Ndërsa tensionet me Korenë e Veriut sa vijnë e ngrihen, Koreja e Jugut po merr masa ekstra për të siguruar sigurinë e Lojërave Olimpike Dimërore që do të zhvillohen vitin e ardhshëm, duke përfshirë edhe dyfishimin e trupave ushtarake.

Eventi sportiv do të zhvillohet shkurtin e ardhshëm në zonën malore të Pyeongchang, vetëm 80 kilometra nga kufiri i fortifikuar me Korenë e Veriut, ndërsa ky i fundit po vijon testet balistike dhe bërthamore dhe retorikat mes Penianit dhe Uashingtonit kanë shtuar shqetësimet për një konflikt të armatosur në gadishullin korean.

Ministri i mbrojtjes së Seulit do të angazhojë 5000 trupa të armatosura gjatë zhvillimit të Lojërave Olimpike, duke aktivizuar 2 herë më tepër se sa gjatë Kupës së Botës në vitin 2002, ku në gatishmëri ishte një personel i armatosur prej 2400 personash.

Plani i masave është prezantuar gjatë një parade ushtarake në Seul, ku u prezantua edhe krijimi i një njësie të re speciale ushtarake, e specializuar kundër terrorizimit dhe atentateve.